Задграничните комитети на ВМРО-ДПМНЕ преставуваат составен дел од организациската структура на партијата. ВМРО-ДПМНЕ ја поседува најраспространетата мрежа на задгранични комитети кои се протегаат во поголемите градови во Европа, САД, Канада, Австралија-секаде каде што постојат македонски иселеници и поголема македонска заедница.
ВМРО-ДПМНЕ од нејзиното формирање, до сега традиционално ја одржува врската со македонските иселеници. Составот и начинот на работата и начинот на избор на задграничните комитети и други органи на местните организации, се уредуваат со Деловник за работа на местните организации на ВМРО-ДПМНЕ.

Изборот на претседателите на задграничните комитети се врши според постапка и начин како и Претседателите на Општински комитети-преку јавен повик и отворена и транспарентна процедура на која ќе можат да аплицираат сите кои се заинтересирани, кои ги исполнуваат условите и кои со својот капацитет можат да придонесат за развојот, напредокот и доследната примена на политиките на партијата. Целта е да се мобилизираат, соединат токму вакви кадри, да се донесе свежина и дополнителен раст.

За ВМРО-ДПМНЕ македонските иселеници се важен столб во изградбата и напредокот на Република Македонија. ВМРО-ДПМНЕ ја негува врската со македонските иселеници бидејќи тие се мостот кој обедиунува и сплотува. Задграничнните комитети на ВМРО-ДПМНЕ ја имаат целосната поддршка во остварување на целите за заедништво, единство и преставување на македонските интереси.

Наша обврска како партија е да останаме блиски до македонците кои живеат надвор од нејзините граници. Зачувувањето на македонскиот јазик, македонската култура и традиција и најважното сплотеноста.
ВМРО-ДПМНЕ сосема свесно ја носи историска одговорност за иднината на граѓаните! ВМРО-ДПМНЕ работи чесно, совесно и одговорно, за интересите на сите граѓани и во насока на исполнување на државните цели и приоритети на Република Македонија. Далечината на тој план не смее да биде пречка.